Mælingar á umferðartíma á RHnet

Hér eru sýndar niðurstöður umferðarmælinga á RHnet, milli RHnet og annarra netþjónustuaðila innanlands og milli RHnet og helstu erlendu samstarfsaðila þess.

Tilgangur þessara mælinga er að gefa notendum RHnet hugmynd um gæði tenginga sinna innan RHnet og utan. Mælingar fara þannig fram að sendir eru 20 "ICMP echo-request" pakkar á 5mín fresti, athugað hvort og hversu fljótt svör berast. Niðurstöður eru síðan settar fram á myndrænan hátt.

Á yfirlitsmyndum er sýndur meðalumferðartími ICMP umferðar, undanfarnar 12 klukkustundir, en á umferðarmyndum einstakra sambanda sjást upplýsingar um hversu breytilegur umferðartíminn er (þvi meira sem "rýkur" úr mælingunni, því meiri er hlutfallslegur breytileiki í umferðartíma sambands). Miðgildi umferðartímans er sýnt í lit sem er háður pakkatapinu.

Athugið að þegar sambönd utan RHnet eru mæld þá eru nafnaþjónar viðkomandi aðila yfirleitt notaðir, þar sem reksraröryggi þeirra er mikið og álag tiltölulega jafnt. Eiginleikar sem sjást á þessum gröfum eru þó eitthvað háðir afköstum og álagi á þessa þjóna ásamt með eiginleikum tengingar viðkomandi við RHnet. Athugið einnig að þessar mælingar eru gerðar frá einni ákveðinni vél á RHnet og upp getur komið sú staða að þessi ákveðna vél nái seint og illa sambandi við mælistað, án þess að nokkuð sé að sambandi RHnet í heild.