Stofnsamningur
fyrir Rannsókna- og háskólanet Íslands hf. (RHnet)

  1. Stofna skal hlutafélag sem ætlað er að tengja íslenska háskóla og rannsóknar-stofnanir saman um tölvunet og annast þjónustu á sviði tölvusamskipta, hvort sem er innanlands eða alþjóðlega. Rannsóknar- og háskólanet (RHnet) er sett á laggirnar með það að markmiði að efla möguleika íslenska háskóla- og rannsóknarsamfélagsins til samskipta, bæði inn á við og út á við.
  2. Stofnendur RHnets eru:
    1. Háskóli Íslands, kt. 600169-0399, við Suðurgötu, 101 Reykjavík
    2. Háskólinn í Reykjavík, kt. 621199-2699, Ofanleiti 2, 103 Reykjavík
    3. Háskólinn á Akureyri, kt. 520687-1229, Sólborg, 600 Akureyri
    4. Kennaraháskóli Íslands, kt. 690169-2159, við Stakkahlíð 105 Reykjavík
    5. Listaháskóli Íslands, kt. 421098-4099, Skipholti 1, 105 Reykjavík
    6. Landbúnaðarháskólinn Hvanneyri, kt. 500169-3899, Hvanneyri, 311 Borgarnes
    7. Viðskiptaháskólinn Bifröst, kt. 550269-0239, Bifröst, 311 Borgarnes
    8. Hólaskóli, kt. 500169-4359, Hólum í Hjaltadal, 551 Sauðárkrókur
    9. Garðyrkjuskóli ríkisins, kt. 570169-4249, Reykjum, 810 Hveragerði
    10. Landspítali-háskólasjúkrahús, kt. 500300-2130, Eiríksgötu 5, 101 Reykjavík
    11. Norræna eldfjallastöðin, kt. 701073-0299, Grensásvegi 50, 108 Reykjavík
    12. Iðntæknistofnun Íslands vegna rannsóknarstofnana á Keldnaholti, kt. 670279-0149, Keldnaholti, 112 Reykjavík
    13. Hafrannsóknastofnunin, kt. 590169-4989, Skúlagötu 4, 101 Reykjavík 14.
    14. Rannsóknastofnun fiskiðnaðarins, kt. 530269-3539, Skúlagötu 4, 101 Reykjavík

  3. Nafnverð hlutafjár félagsins skal vera kr. 53.850.000,- og leggja stofnendur þá fjárhæð fram í reiðufé við stofnun þess, þó þannig að hluti af stofnframlagi Háskóla Íslands fellst í fjármögnun á undirbúningi að stofnun félagsins sem og til kaupa á tækjum og búnaði, en framlag þetta telst vera um kr. 18.000.000,- sbr. meðfylgjandi skýrslu um útlagðan kostnað.

    Stofnendur skrifa sig fyrir hlutafé sem hér segir:

    1. Háskóli Íslands kr. 45.000.000,-
    2. Háskólinn í Reykjavík kr. 2.500.000,-
    3. Háskólinn á Akureyri kr. 1.000.000,-
    4. Kennaraháskóli Íslands kr. 1.000.000,-
    5. Listaháskóli Íslands kr. 500.000,-
    6. Landbúnaðarháskólinn Hvanneyri kr. 250.000,-
    7. Viðskiptaháskólinn Bifröst kr. 250.000,-
    8. Hólaskóli kr. 100.000,-
    9. Garðyrkjuskóli ríkisins kr. 50.000,-
    10. Landspítali-háskólasjúkrahús kr. 2.500.000,-
    11. Norræna eldfjallastöðin kr. 100.000,-
    12. Iðntæknistofnun Íslands o.fl. kr. 400.000,-
    13. Hafrannsóknastofnunin kr. 100.000,-
    14. Rannsóknastofnun fiskiðnaðarins kr. 100.000,-

    Samtals kr. 53.850.000,-

  4. Stjórn félagsins skal skipuð fimm mönnum sem stofnfundur kýs. Einnig skal kjósa jafnmarga stjórnarmenn til vara auk endurskoðanda. Stjórn kosin af stofnfundi situr til fyrsta aðalfundar.
  5. Kostnaður við stofnun félagsins greiðist úr félagssjóði, en áætlað er að kostnaður þessi nemi 150.000,- kr.
  6. Samþykktir félagsins eru hluti af stofnsamningi þessum.

Reykjavík, 24. janúar 2001